ایشوریہ رائے بچن، وہ لازوال شخصیت جنہوں نے بالی ووڈ کی عالمی شبیہ کو نیا مفہوم دیا…یومِ پیدائش کے موقع پر

2006 میں دھوم 2 میں ان کا منفی کردار شائقین کو بے حد پسند آیا۔ اس کے بعد 2009 میں حکومتِ ہند نے انہیں فنونِ لطیفہ میں نمایاں خدمات کے اعتراف میں پدم شری ایوارڈ سے نوازا۔ 2007 میں ایشوریہ کی شادی ابھیشیک بچن سے ہوئی، جس کے بعد انہوں نے فلمی دنیا سے وقتی طور پر کنارہ کشی اختیار کر لی۔ تاہم 2010 میں گزارش اور 2015 میں جذبہ سے انہوں نے واپسی کی۔ بعد ازاں انہوں نے سربجیت، اے دل ہے مشکل اور پھنّے خان میں اپنی متاثرکن اداکاری کے ذریعے ثابت کیا کہ وقت گزرنے کے باوجود ان کی چمک برقرار ہے۔

ایشوریہ رائے بچن نہ صرف ایک کامیاب اداکارہ بلکہ عالمی سطح پر ہندوستانی ثقافت اور نسوانی وقار کی نمائندہ بن چکی ہیں۔ ان کے اندازِ گفتگو، باوقار شخصیت اور انسانیت سے جڑی وابستگی نے انہیں صرف فلم اسٹار نہیں بلکہ ایک ’گلوبل آئیکن‘ بنا دیا ہے۔ آج جب وہ اپنی زندگی کے 52 برس مکمل کر رہی ہیں، تو ان کا سفر یہ ثابت کرتا ہے کہ حسن اور فن جب شعور اور کردار سے جڑ جائیں تو انسان صرف کامیاب نہیں، بلکہ ’یادگار‘ بن جاتا ہے۔

(مآخذ: یو این آئی)