ایس آئی آر کے نام پر ووٹ بندی! پارلیمنٹ میں انڈیا اتحاد کا احتجاج، الیکشن کمیشن سے مداخلت کی اپیل

کانگریس کی جنرل سیکریٹری پرینکا گاندھی نے کہا، ’’ہم گزشتہ کئی ماہ سے ووٹر لسٹ کی شفاف فراہمی کی مانگ کر رہے ہیں، لیکن حکومت اور الیکشن کمیشن جواب دینے کو تیار نہیں۔ اگر یہ واقعی جمہوریت ہے تو پھر ہر پارٹی کو برابر کا حق ملنا چاہیے۔ ووٹر لسٹ میں شفافیت کیوں نہیں دی جا رہی؟‘‘

احتجاج کے دوران اپوزیشن جماعتوں کے رہنماؤں نے ایس آئی آر کو آئینی حقوق کی کھلی لوٹ قرار دیا۔ انہوں نے دعویٰ کیا کہ اس عمل میں کسی قسم کی شفافیت یا جوابدہی نہیں ہے، اور یہ صرف ایک طرفہ کارروائی بن کر رہ گئی ہے، جس کا مقصد مخصوص برادریوں کو ووٹ دینے سے روکنا ہے۔