ایس آئی آر کے خلاف کانگریس کی ’ووٹ چور گدی چھوڑ‘ ریلی

قومی راجدھانی دہلی میں سیاسی درجۂ حرارت ایک بار پھر تیز ہو گیا ہے۔ ایس آئی آر (خصوصی گہری نظرثانی) کے معاملے پر کانگریس نے مرکزی حکومت کے خلاف محاذ کھولتے ہوئے آج ’ووٹ چور گدی چھوڑ‘ کے عنوان سے ایک بڑی عوامی ریلی کا انعقاد کیا ہے۔

یہ ریلی دہلی کے رام لیلا میدان میں جاری ہے، جہاں ملک بھر سے آئے کانگریس کے رہنما اور کارکن بڑی تعداد میں موجود ہیں۔ پارٹی کا الزام ہے کہ ایس آئی آر کے ذریعے ووٹر لسٹ میں چھیڑ چھاڑ کر کے ’ووٹ چوری‘ کی تیاری کی جا رہی ہے۔ کانگریس صدر ملکارجن کھڑگے اور سابق صدر راہل گاندھی کے کچھ دیر میں ریلی سے خطاب کرنے کی توقع ہے، جس پر سب کی نظریں مرکوز ہیں۔

پارٹی کے جنرل سیکریٹری کے سی وینوگوپال کے مطابق، ’’یہ ریلی جمہوریت کے تحفظ کی لڑائی ہے، جس میں لاکھوں لوگ شامل ہو رہے ہیں۔‘‘