ایسی شخصیت جنہوں نے ملک کو دیا جمہوریت کی حفاظت کا سبق… ہرجندر

انہی دنوں ان کی ملاقات تریلوچن شاستری سے ہوئی۔ دونوں ہی جمہوریت کے گرتے معیار سے فکر مند تھے اور اسے بہتر بنانا چاہتے تھے۔ مسلسل تبادلۂ خیال کے بعد دونوں نے مل کر 1999 میں ’ایسوسی ایشن فار ڈیموکریٹک ریفارمز یعنی اے ڈی آر کی بنیاد رکھی۔ انہیں آگے کا راستہ صاف نظر آ رہا تھا۔ یہی وجہ ہے کہ آئی آئی ایم میں تدریس کے دوران ہی چھوکر نے قانون کی تعلیم شروع کی اور ریٹائرمنٹ سے پہلے 2005 میں ایل ایل بی کی ڈگری بھی حاصل کر لی۔ قانون کا یہ علم بعد میں نہ صرف ان کے بلکہ ملک کے بھی بے حد کام آیا۔

گزشتہ ڈھائی دہائیوں میں انہوں نے جمہوریت کو بچانے اور مضبوط بنانے کی جدوجہد مسلسل جاری رکھی۔ انہی کی کوششوں کا نتیجہ ہے کہ یہ قاعدہ بنا کہ انتخابی امیدوار اپنی جائیداد اور مجرمانہ ریکارڈ کی تفصیل عوام کے سامنے پیش کرے اور الیکشن کمیشن کی ویب سائٹ پر اس کی اشاعت لازم ہو۔ سیاست دانوں، صحافیوں اور ماہرین کی بڑی تعداد ان سے رجوع کرتی تھی تاکہ وہ کسی فیصلے کے اثرات کو بہتر طور پر سمجھ سکیں۔