اکھلیش یادو کا بی جے پی حکومت پر حملہ- ’کسان نظرانداز، بارش و ژالہ باری سے فصلیں تباہ‘

سماجوادی پارٹی کے قومی صدر نے اتوار کے روز جاری ایک بیان میں کہا کہ ریاست کے متعدد اضلاع میں فصلوں کو بڑے پیمانے پر نقصان پہنچا ہے۔ انہوں نے مئن پوری، قنوج، بارہ بنکی، سیتاپور، ہاتھرس، ایودھیا، میرٹھ، پیلی بھیت، متھرا، ہردوئی، سون بھدر اور شراوستی سمیت کئی علاقوں کا حوالہ دیتے ہوئے کہا کہ بارش کی وجہ سے گندم کی فصل بھیگ کر خراب ہوگئی ہے جبکہ کئی جگہوں پر فصلیں گر کر مکمل طور پر تباہ ہو چکی ہیں۔

اکھلیش یادو نے الزام لگایا کہ اس بڑے نقصان کے باوجود کسانوں کو ابھی تک نہ تو معاوضہ دیا گیا ہے اور نہ ہی کوئی مؤثر راحتی اقدامات کیے گئے ہیں۔ ان کے مطابق ریاستی حکومت کے وزراء صرف اعلانات اور ہوائی جائزوں تک محدود ہیں، جبکہ زمینی سطح پر کسانوں کو کوئی حقیقی مدد نہیں مل رہی۔