انتخابی موسم میں نتیش حکومت کا اعلان، خواتین کو سرکاری نوکریوں میں دیا جائے گا 35 فیصد ریزرویشن

بہار اسمبلی انتخابات سے قبل وزیر اعلیٰ نتیش کمار نے خواتین اور نوجوانوں کو لے کر دو فیصلوں کا اعلان کیا ہے۔ پہلا فیصلہ خواتین کے لیے سرکاری نوکریوں میں 35 فیصد ریزرویشن کا ہے، جب کہ دوسرا فیصلہ بہار یوتھ کمیشن کے قیام سے متعلق ہے۔ ان فیصلوں کو ریاستی حکومت کی انتخابی حکمت عملی کے طور پر دیکھا جا رہا ہے۔

وزیراعلیٰ نتیش کمار نے اعلان کیا کہ بہار کی مقامی خواتین کو ریاست کی تمام سرکاری نوکریوں، تمام کیٹیگریز اور تمام سطحوں پر براہ راست تقرری میں 35 فیصد ریزرویشن دیا جائے گا۔ انہوں نے واضح کیا کہ یہ ریزرویشن صرف مخصوص شعبوں تک محدود نہیں ہوگا بلکہ تمام محکموں میں لاگو ہوگا۔