امریکی سپریم کورٹ نے ٹیرف پر روک لگا دی، مودی میں ہمت ہے تو تجارتی معاہدہ منسوخ کریں: راہل گاندھی

راہل گاندھی نے کہا کہ تجارتی معاہدہ کی پہلی وجہ یہ ہے کہ امریکہ میں ایپسٹین کی 30 لاکھ فائلیں پڑی ہیں۔ لاکھوں فائلوں کے ای میل، میسج اور ویڈیو ابھی تک ریلیز نہیں کیے گئے ہیں۔ امریکہ نے مودی حکومت کو دھمکانے کے لیے ہردیپ پوری کا نام ریلیز کر دیا ہے۔ پیغام صاف تھا کہ اگر ہماری بات نہیں سنی تو فائلوں میں سے ثبوت نکلے گا۔ دوسری وجہ یہ ہے کہ اڈانی پر امریکہ میں کرمنل کیس ہے، وہ امریکہ نہیں جا سکتے۔ اڈانی، بی جے پی اور نریندر مودی کا فنانشل اسٹرکچر ہے۔ ایسے میں یہ کیس اڈانی پر نہیں، نریندر مودی اور بی جے پی پر ہے۔