الیکشن کمیشن کی مثالی ضابطہ اخلاق پر سختی سے عمل کرنے کی ہدایت،

اس کے علاوہ، کمیشن نے تمام سیاسی جماعتوں کے لیے ’سُویدھا’ نامی ایک آن لائن ماڈیول متعارف کرایا ہے، جس کے ذریعے گراؤنڈز، ہیلی پیڈ اور عوامی مقامات کے استعمال کی درخواستیں جمع کرائی جا سکتی ہیں۔ یہ سہولت تمام جماعتوں کے لیے یکساں شرائط پر دستیاب ہوگی۔

کمیشن نے افسران کے تبادلوں پر بھی روک لگاتے ہوئے ہدایت دی ہے کہ تمام عہدیداران اپنی ذمہ داریاں غیر جانبداری کے ساتھ انجام دیں اور کسی بھی جماعت کی طرف جھکاؤ نہ دکھائیں۔

بہار اسمبلی انتخابات دو مرحلوں میں ہوں گے — پہلا مرحلہ 6 نومبر اور دوسرا مرحلہ 11 نومبر کو، جبکہ ووٹوں کی گنتی 14 نومبر کو کی جائے گی۔ الیکشن کمیشن نے کہا ہے کہ اس بار ضابطہ اخلاق کی خلاف ورزیوں پر فوری اور سخت کارروائی عمل میں لائی جائے گی تاکہ انتخابی شفافیت پر کوئی سوال نہ اٹھے۔