اقوام متحدہ میں افغانستان پر قرارداد، ہندوستان نے ووٹنگ سے کنارہ کشی اختیار کی

انہوں نے بتایا کہ ہندوستان نے افغانستان کو انسانی امداد کی فراہمی میں بھی بھرپور کردار ادا کیا ہے۔ اگست 2021 سے اب تک ہندوستان 50,000 میٹرک ٹن گیہوں، 330 میٹرک ٹن دوائیں، 40,000 لیٹر کیڑے مار دوا اور 58.6 میٹرک ٹن دیگر ضروری سامان فراہم کر چکا ہے۔

ہندوستان نے اقوام متحدہ کے منشیات و جرائم سے متعلق دفتر (یو این او ڈی سی) کے ساتھ مل کر خواتین کے بحالی پروگرام کے تحت 84 میٹرک ٹن دوائیں اور 32 میٹرک ٹن سماجی امدادی سامان بھی فراہم کیا ہے۔ علاوہ ازیں، 2023 سے اب تک 2000 افغان طلبہ کو اسکالر شپ بھی دی گئی ہے۔