افضل گرو اور مقبول بٹ کی قبروں سے جڑی عرضی پر سماعت سے دہلی ہائی کورٹ کا انکار

ہائی کورٹ نے عرضی دہندہ سے کہا کہ کسی کی خواہش کے مطابق کسی مفاد عامہ کی عرضی پر سماعت نہیں ہو سکتی۔ عرضی دہندہ کے وکیل نے کہا کہ یہ بات پبلک ڈومین میں ہے کہ ان کی کمیونٹی کے کچھ لوگ باہر جرم کرتے ہیں اور جیل جاتے ہیں، تو ان کو خراج عقیدت پیش کرتے ہیں۔

حالانکہ ہائی کورٹ نے عرضی دہندہ کی اس دلیل پر اعتراض ظاہر کیا۔ دہلی ہائی کورٹ نے کہا کہ ہم پہلے ہی آپ کو کہہ چکے ہیں کہ آپ اپنی دلیل قانونی پہلوؤں تک محدود رکھیں۔ آپ ہمیں بتایئے کہ آپ کے کون سے بنیادی یا آئینی حقوق کی خلاف ورزی ہو رہی ہے۔