اسپیکر ایوان کے محافظ ہیں اور اپوزیشن کو بھی ان کا تحفظ ملنا چاہیے: اقراء حسن

اتر پردیش حکومت کا حوالہ دیتے ہوئے سماج وادی پارٹی کی رکن پارلیمنٹ اقراء حسن نے کہا کہ ہم مسلسل دیکھ رہے ہیں کہ اقتدار کے قریب رہنے والے لوگ، جن کا بھارتیہ جنتا پارٹی یا اقتدار میں کسی سے کوئی تعلق ہے، ان کی اتر پردیش میں مسلسل حمایت کی جا رہی ہے۔ حکومت انہیں وی آئی پی ٹریٹمنٹ بھی دے رہی ہے اور جس طرح سے امن و امان کا مذاق اڑایا جارہا ہے، مجھے یقین ہے کہ اترپردیش کے شہری بی جے پی پردیش کو سال 2027 کے اسمبلی انتخابات میں جواب دیں گے۔