اسمبلی انتخابات کے لیے ضلع سطح پر تیار ہوگا انتخابی منشور: اکھلیش یادو

انہوں نے الزام عائد کیا کہ بھارتیہ جنتا پارٹی ایس آئی آر کے ذریعے انتخابی عمل میں دھاندلی کرنا چاہتی ہے۔ ان کا کہنا تھا کہ مرکزی اور ریاستی الیکشن کمیشن کی ووٹر فہرستوں میں واضح فرق موجود ہے، جو حکومت کی نیت اور طریقۂ کار پر سنگین سوالات کھڑے کرتا ہے۔ اکھلیش یادو نے کہا کہ شفاف انتخابات جمہوریت کی بنیاد ہیں، لیکن موجودہ حکومت ان بنیادوں کو کمزور کر رہی ہے۔

اکھلیش یادو نے حکومت پر مذہبی مقامات کو نقصان پہنچانے کا الزام لگاتے ہوئے کہا کہ موجودہ دورِ حکومت میں جتنے مندروں کو منہدم کیا گیا، اتنا کسی بھی سابقہ عہد میں نہیں ہوا۔ انہوں نے حکومت کو مکمل طور پر ناکام قرار دیتے ہوئے کہا کہ عوام کے آئینی اور جمہوری حقوق کو مسلسل کچلا جا رہا ہے۔