اسلام جمخانہ کے صدر ایڈوکیٹ یوسف ابراہانی 100 بااثر ہندوستانی مسلمانوں میں شامل

ممبئی کے معروف ادارے اسلام جمخانہ کے صدر اور سابق رکنِ اسمبلی ایڈوکیٹ یوسف ابراہانی کو سال 2025 کے لیے 100 بااثر ہندوستانی مسلمانوں کی فہرست میں شامل کیا گیا ہے۔ یہ فہرست ہر سال دہلی سے شائع ہونے والے معروف جریدے مسلم مِرر کی جانب سے جاری کی جاتی ہے۔

مسلم مِرر کی جانب سے جاری کردہ اس فہرست میں اُن شخصیات کو شامل کیا جاتا ہے جنہوں نے مختلف شعبوں میں نمایاں خدمات انجام دے کر قومی سطح پر اثرات مرتب کیے ہوں۔ ایڈوکیٹ یوسف ابراہانی کو کمیونٹی لیڈر شپ کے زمرے میں شامل کیا گیا ہے، جہاں مذہبی رہنمائی، قانونی و سماجی خدمات اور ادارہ جاتی قیادت میں ان کے کردار کو سراہا گیا ہے۔