اراولی پر سپریم کورٹ کا ازخود نوٹس خوش آئند، ماحولیات سے جڑے دیگر معاملات میں بھی فوری مداخلت ضروری: جے رام رمیش

اپنی پوسٹ کے آخری حصے میں جے رام رمیش نے نیشنل گرین ٹریبونل کا ذکر کرتے ہوئے کہا کہ اس ادارے کا قیام اکتوبر 2010 میں پارلیمنٹ کے منظور کردہ قانون کے تحت، سپریم کورٹ سے وسیع مشاورت اور اس کی مکمل حمایت کے ساتھ عمل میں آیا تھا۔ تاہم گزشتہ ایک دہائی کے دوران اس کے اختیارات کو بتدریج کمزور کیا گیا ہے۔ ان کے مطابق، اب وقت آ گیا ہے کہ سپریم کورٹ مداخلت کرے تاکہ نیشنل گرین ٹریبونل بغیر کسی خوف یا جانبداری کے، قانون کے مطابق آزادانہ طور پر اپنے فرائض انجام دے سکے۔