ادے بھانو چِب کی گرفتاری کے خلاف آج یوتھ کانگریس دفتر پر ہوگا احتجاج، دیویندر یادو کی کارکنان سے اہم اپیل

دیویندر یادو کے مطابق راہل گاندھی نے اس معاملے کو پارلیمنٹ میں اٹھایا، جبکہ یوتھ کانگریس کے کارکنان نے فیصلہ کیا کہ اے آئی سمٹ کے دوران بھی اس مسئلے کو اجاگر کیا جائے کیونکہ یہ موضوع بین الاقوامی اہمیت رکھتا ہے۔ ان کا کہنا تھا کہ ادے بھانو چِب کو پوچھ گچھ کے لیے بلایا گیا اور بعد میں گرفتار کر لیا گیا، جو جمہوری اصولوں کے خلاف ہے۔

انہوں نے بتایا کہ گرفتاری کے بعد پارٹی کی جانب سے قانونی مدد فراہم کی گئی اور متعدد سینئر لیڈران موقع پر پہنچے۔ ایک وفد نے لیفٹیننٹ گورنر سے ملاقات بھی کی جس میں اجے ماکن، ہارون یوسف اور دیگر رہنما شامل تھے۔