ادب نامہ کی خصوصی نشست میں جگر مراد آبادی کی شاعری اور شخصیت پر بامعنی گفتگو

نیشنل ہیرالڈ، نوجیون اور قومی آواز کے ادبی پروگرام ادب نامہ کی تازہ قسط میں اردو غزل کے نامور شاعر جگر مراد آبادی کی شخصیت اور شاعری پر خصوصی گفتگو پیش کی گئی۔ اس نشست کی میزبانی عمران اے ایم خان نے کی، جبکہ معروف شاعر اور ناظم مشاعرہ معین شاداب مہمان کے طور پر شریک ہوئے۔

گفتگو میں جگر مراد آبادی کی ابتدائی زندگی، ان کے تہذیبی پس منظر اور شاعری کے بنیادی مزاج پر روشنی ڈالی گئی۔ معین شاداب نے بتایا کہ جگر کی شاعری میں عشق، حسن اور سرمستی نمایاں عناصر ہیں، جو قاری اور سامع دونوں کو متاثر کرتے ہیں۔ نشست میں ان کے منتخب اشعار بھی پیش کیے گئے اور ان کے اسلوبِ بیان، ترنم اور فکری جہت کا تفصیلی جائزہ لیا گیا۔ پروگرام میں جگر مراد آبادی کی زندگی سے جڑے اہم واقعات کا ذکر بھی کیا گیا، جنہوں نے ان کی شخصیت اور فن کو نئی سمت دی۔