احمد آباد اور وڈودرا کے 17 اسکولوں کو بم سے اُڑانے کی دھمکی، ای میل میں لکھا ’’گجرات بنے گا خالصتان…‘‘

اسکولوں کو موصول ہونے والی ای میل خالصتان دہشت گردوں کے نام سے بھیجی گئی ہے۔ اس سے قبل بھی احمد آباد اور وڈودرا کے اسکولوں کو اس طرح کے میل موصول ہو چکے ہیں۔ وڈودرا شہر کے پولس کمشنر نرسمہا کمار نے اسکولوں کی حفاظت کا حکم دیا ہے۔ پیر کو صبح سب سے پہلے 3 اسکولوں کو ای میل کے بارے میں معلومات ملی لیکن بعد میں یہ تعداد بڑھ کر 17 ہوگئی۔ جن اسکولوں کو دھمکیاں موصول ہوئی ہیں وہ شہر اور دیہی اضلاع میں واقع ہیں۔ میل میں دوپہر 1.11 بجے دھماکہ کرنے کی دھمکی دی گئی ہے۔ دھمکی ملنے پر انتظامیہ نے فوری طور پر اسکول بند کرکے پولیس کو اطلاع دی۔ وڈودرا شہر میں واقع ارمی اسکول کے ہاسٹل کو خالی کرا لیا گیا ہے۔ اسکولوں میں پولیس کے اعلیٰ افسران موجود ہیں۔