آگرہ- لکھنؤ ایکسپریس وے پر ڈبل ڈیکر بس میں لگی آگ، بال بال بچے 56 مسافر

بتایا جارہا ہے یہ بس راجستھان کے اجمیر شریف سے نیپال جا رہی تھی۔ بس میں 12 بچوں سمیت 56 مسافر سوار تھے۔ خوش قسمتی سے تمام مسافرمحفوظ رہے جبکہ بس کی ڈگی میں رکھا سامان جل کر راکھ ہوگیا۔ فیروز آباد کے فائر آفیسر ستیندر پانڈے نے بتایا کہ ایکسپریس وے پر آگ لگنے سے متعلق کال موصول ہوئی تھی۔ اطلاع ملنے پر شکوہ آباد اور سرسا گنج فائر اسٹیشنوں کی گاڑیوں کے ساتھ ساتھ مین پوری کے کرہل سے بھی فائر ٹینڈرز کو طلب کرلیا گیا، تقریباً ایک گھنٹے کی مشقت کے بعد آگ پر قابو پالیا گیا۔ اس واقعے میں کوئی جانی نقصان نہیں ہوا ہے۔