آٹھ دنوں میں 1.45 لاکھ سے زائد عقیدت مندوں نے کیے درشن، سکیورٹی کے سخت انتظامات

امرناتھ یاترا کے آغاز کے بعد سے اب تک یاتریوں کی تعداد میں لگاتار اضافہ ہو رہا ہے۔ انتظامیہ کے مطابق، گزشتہ آٹھ دنوں میں ایک لاکھ پینتالیس ہزار سے زائد یاتریوں نے امرناتھ گپھا کے درشن کیے ہیں۔ جموں کے بھگوتی نگر یاتری نواسی سے آج مزید 6,482 یاتریوں کا ایک اور قافلہ وادی کشمیر کے لیے روانہ ہوا۔

یہ قافلہ دو مرحلوں میں روانہ ہوا۔ پہلے قافلے میں 107 گاڑیاں شامل تھیں جن میں 2,353 یاتری سوار تھے، جو صبح 3:20 پر بلتل بیس کیمپ کی طرف روانہ ہوا۔ دوسرا قافلہ، جس میں 161 گاڑیاں اور 4,129 یاتری شامل تھے، صبح 4:04 پر نونوان (پہلگام) بیس کیمپ کی طرف روانہ ہوا۔