آسٹریلیا میں جنگلاتی آگ کی تباہی، شہروں کے انخلا کے احکامات، سڑکیں بند

تقریباً دو ہزار آبادی پر مشتمل شہر ریوینس تھورپ اور اس کے آس پاس کے علاقوں کے رہائشیوں اور مسافروں کو ہدایت دی گئی ہے کہ اگر راستے محفوظ ہوں تو فوراً علاقہ چھوڑ دیں۔ محکمۂ ایمرجنسی سروسز نے خبردار کیا کہ “آپ خطرے میں ہیں اور محفوظ رہنے کے لیے فوری اقدام ضروری ہے۔” جو لوگ علاقہ چھوڑنے سے قاصر ہیں، انہیں شدید گرمی اور دھویں کے باعث گھروں کے اندر رہنے کا مشورہ دیا گیا ہے۔

حکام کے مطابق یہ آگ 16 جنوری کو نیشنل پارک میں آسمانی بجلی گرنے سے بھڑکی تھی اور جمعہ کی صبح تک 60 ہزار ہیکٹیئر سے زائد رقبہ جل چکا تھا۔ ریوینس تھورپ کے مغرب میں واقع ایک مرکزی شاہراہ بند کر دی گئی ہے، جبکہ شمال میں نیوڈیگیٹ شہر میں انخلا کے لیے ایک مرکز قائم کیا گیا ہے۔