آزاد مارکیٹ دہلی میں تین منزلہ عمارت منہدم، 46 سالہ شخص ہلاک

آئی اے این ایس کی رپورٹ مطابق، مذکورہ عمارت کے نچلے حصے میں تین دکانیں تھیں، جن میں بیگ، سوٹ کیس اور ترپال کا کاروبار کیا جاتا تھا۔ پہلی منزل پر ان دکانوں کا گودام بنایا گیا تھا، جہاں سامان ذخیرہ کیا جاتا تھا۔ جب یہ عمارت گری تو نیچے کھڑا ایک ٹرک بھی ملبے کی زد میں آ کر مکمل طور پر تباہ ہو گیا۔

واقعے کے فوراً بعد پولیس، فائر بریگیڈ، این ڈی آر ایف، ڈیزاسٹر مینجمنٹ اتھارٹی (ڈی ڈی ایم اے) اور فرانزیک کرائم ٹیمیں موقع پر پہنچ گئیں۔ دہلی پولیس کے مطابق، ’’رات 1:55 پر پولیس کنٹرول روم کو اطلاع ملی کہ ٹوکری والان، باڑا ہندو راؤ کے علاقے میں واقع ایک عمارت گر گئی ہے۔ فوراً ٹیموں کو روانہ کیا گیا۔‘‘