آر ایس ایس کا ’سوشلسٹ‘ اور ’سیکولر‘ پر اعتراض، کانگریس نے کہا- ’یہ آئین کو مٹانے کی سازش ہے‘

ہسبولے نے ایک پروگرام میں کہا کہ یہ دونوں الفاظ ایمرجنسی کے دوران آئین میں شامل کیے گئے تھے، جب نہ پارلیمنٹ آزاد تھی، نہ عدلیہ فعال اور بنیادی حقوق معطل تھے۔ انہوں نے کہا کہ ڈاکٹر امبیڈکر کے تیار کردہ آئین کی اصل تمہید میں یہ الفاظ نہیں تھے، اس لیے اب وقت ہے کہ ان پر سنجیدگی سے نظرثانی کی جائے۔

کانگریس نے اس بیان پر شدید ناراضگی ظاہر کی ہے۔ پارٹی نے ‘ایکس’ پر جاری اپنے بیان میں کہا، ’’آر ایس ایس-بی جے پی کی سوچ آئین کے سراسر خلاف ہے۔ دتا تریہ ہسبولے نے آئین کی تمہید میں تبدیلی کی کھلی مانگ کی ہے، جو محض ایک تجویز نہیں بلکہ آئین کی روح پر حملہ ہے۔‘‘